SÆKJA APPIÐ UM SÍÐUNA FRÆÐSLA MÍNAR UPPSKRIFTIR INNSKRÁNING

LEIT
ExpandDIV
TEGUND RÉTTAR
ExpandDIV
ERFIÐLEIKASTIG
ExpandDIV
Auðvelt Erfitt
ELDUNARTÍMI
ExpandDIV
Fljótlegt Tímafrekt
Eldunaraðferð
ExpandDIV
UPPRUNI
ExpandDIV
HLUTI
ExpandDIV

Steikingartími



Steiking á nokkrum algengum lambakjötsstykkjum:

Lambalæri með beini, 2,2-3 kg Lítið steikt 60°C
Lambalæri með beini, 2,2-3 kg 160°C 25-30 mín/500 g Meðalsteikt 70°C
Lambalæri með beini, 2,2-3 kg 160°C 30-35 mín/500 g Mikið steikt 75°C
Lambalæri, úrbeinað, rúlla, 1,8-2,5 kg 60°C 25-30 mín/500 g Lítið steikt 60°C
Lambalæri, úrbeinað, rúlla, 1,8-2,5 kg160°C 30-35 mín/500 g Meðalsteikt 70°C
Lambalæri, úrbeinað, rúlla, 1,8-2,5 kg160°C 35-40 mín/500 g Mikið steikt 75°C
Bógur með beini, 1,5-2 kg 160°C 30-35 mín/500 g Lítið steikt 60°C
Bógur með beini, 1,5-2 kg 160°C 40-45 mín/500 gMeðalsteikt 70°C
Bógur með beini, 1,5-2 kg 160°C 45-50 mín/500 g Mikið steikt 75°C
Lambakebab, 2½-3½ cm bitar Grill, góður hiti 8-12 mín. Meðalsteikt 70°C
Lambakótelettur, 2-3 cm þykkar Grill, góður hiti 3-5 mín. hv.hl. Lítið steikt 60°C
Lambalærissneiðar, 2-3 cm þykkar Grill, góður hiti 3-5 mín. hv.hl. Lítið steikt 60°C

Hvernig á að vita hvort kjötið er tilbúið?

  • hitamaelir.gif Kjöthitamælir er öruggasta aðferðin við stórar steikur. Ef verið er að steikja læri í ofni má stinga mælinum í það áður en það er sett í ofninn, þá sýnir hann alltaf hver kjarnhitinn er, eða það má nota mæli sem stungið er í kjötið þegar það gæti farið að verða tilbúið og lesa má af eftir örfáar sekúndur.
  • Þrýstu á vöðvann, með fingrinum eða með töng, til að kanna hve mjúkur hann er og hve vel hann gefur eftir. Lítið steikt kjöt er mjúkt og gefur vel eftir. Meðalsteikt kjöt er eilítið stinnara og gefur minna eftir og gegnsteikt kjöt gefur lítið sem ekkert eftir. Þetta er eitthvað sem lærist smátt og smátt með reynslunni en er sérlega hentugt fyrir minni kjötstykki, t.d. á grillinu.
  • Svo er hægt að stinga í kjötið, alveg inn í miðju, og athuga litinn á kjötsafanum sem rennur út. Ef hann er rauður eða rauðleitur er kjötið lítið steikt. Ef hann er svolítið bleikur er það meðalsteikt en ef hann er tær er það vel steikt. Ef enginn safi rennur út er kjötið líkleg orðið steikt og þurrt í gegn. Best er þó að stinga sem minnst í kjötið til að ekki tapist safi.
Munið að ef kjötið er látið hvíla eftir að steikingu lýkur, eins og æskilegast er , heldur kjarnhitinn áfram að hækka dálítið. Reikna má með að í stórri steik eins og lambalæri hækki hann um 4-10°C (oftast um 5°C) á 15-20 mínútum og þetta þarf að hafa í huga þegar verið er að meta hvort kjötið sé að verða steikt. Ef gleymist að reikna með þessu getur kjötið reynst meira steikt en til var ætlast, þegar farið er að skera það.

Hvernig á að nota kjöthitamæli?

Kjöthitamælar eða steikarmælar eru sérstakir hitamælar með löngum, oddhvössum teini, ætlaðir til að stinga í stór kjötstykki og mæla hitann inni í þeim. Þeir geta verið mjög gagnlegir við ofnsteikingu. Þó er misjafnt hvað þeir eru nákvæmir og ekki er heldur sama hvar þeim er stungið. Oddurinn má t.d. ekki vera í fitu eða rétt við bein, þá sýnir hann ekki réttan hita. Þeir sem hafa reynt að stinga tveimur kjötmælum í stórt kjötstykki á mismunandi stöðum hafa sjálfsagt rekið sig á að þeir sýna ekki endilega alveg sama hita. Mælirinn þarf ekki að vera í kjötinu allan tímann en þó er ekki að marka álesturinn um leið og honum er stungið í kjötið, hann þarf að hafa verið þar smástund.
Almennt má reikna með að lambakjöt sé tilbúið þegar mælirinn sýnir 55°C fyrir lítið steikt, 60-65°C fyrir meðalsteikt og 70-75°C fyrir gegnsteikt, og er þá miðað við að kjötið eigi eftir að hvíla nokkra stund eftir að það er tekið úr ofninum eða af grillinu og kjarnahitinn hækki um nokkrar gráður.